მედიკო გურგენიძე - მშვენიერი ქალბატონი, მრავალშვილიანი დედა (მისმა ორმა შვილმა დაამთავრა ჩვენი სკოლა, ხოლო მეასმე ჯერ პატარაა), ის უფრო ჰგავს გუშინდელ კურსდამთავრებულს, ვიდრე პედაგოგს 25-წლიანი სტაჟით. საინტერესოა, რომ შრომით წიგნაკის მიხედვით ის ამ მაჩვენებლით თავის კოლეგას, ოლეგ კვეტენაძეს, უსწრებს ზუსტად... ერთი დღით. და მთელი ამ ხნის განმავლობაში თსუ-ს მექანიკა-მათემატიკური ფაკულტეტის კურსდამთავრებული მედიკო გურგენიძე არ თმობს თავის პოზიციებს პედაგოგ-მამაკაცებთან კონკურენციაში, ის აშკარა ლიდერია იმ სიყვარულში, რომელსაც ის იმსახურებს აღზრდილებისაგან. "ნამდვილად მიყვარს ჩემი საქმე, ამიტომ ერთი წუთითაც არ მიფიქრია პროფესიის შეცვლაზე, რადგან ჩემი ყოფილი ან ახლანდელი მოსწავლეებისგან ვგრძნობ დიდ სიყვარულს და პატივისცემას" - ამბობს ქ-ნი მედიკო და აგრძელებს: "ჩემთვის და ჩემი მოსწავლეებისთვის 42-ე სკოლა ის უწმინდესი ადგილია, სადაც ჩვენს შორის პატიოსანი, ერთგული და სიყვარულით აღსავსე ურთიერთობა დამყარდა, რომელიც სიცოცხლის ბოლომდე გაგვყვება".
ქ-ნ მედიკოს მოსწავლეებს შორის მრავალია რესპუბლიკური და სოროსის ოლიმპიადების გამარჯვებული. მაგალითად, მხოლოდ 2002 წ. წარმატებას მიაღწიეს ალეკო ხარატიშვილმა და თორნიკე მჭედლიშვილმა, მიშიკო ომიაძემ და გიორგი მულაძემ, ეკა ონაშვილმა და ნინო ჩხეიძემ.