ზირა ლაფერაძე - სხვადასხვა პედაგოგებზე სტატიებში უკვე არაერთხელ აღნიშნულა ჩვენი სკოლისადმი ერთგულება. ქ-ნი ზირა მათ შორისაა. სრულიად ახალგაზრდამ შემოაღო მან პირველად სკოლის კარები და დღესაც აქ მოღვაწეობს. როგორც თვითონ აღნიშნავს, სკოლა - ბავშვებიც და კოლეგებიც - მისი დიდი ოჯახია. ეს ოჯახი მუდმივად იცვლება, ხან იზრდება, ხან კლებულობს, მოდის ახალი თაობა, მერე შემდეგი და ეს ყველაფერი ხდება ქ-ნი ზირას თვალწინ და ტოვებს თავის განუმეორებელ კვალს მის სიყვარულით სავსე გულში.
პედინსტიტუტის კურსდამთავრებული, ქ-ნი ზირა აქტიური მონაწილეა იმ ყველა დიდი ღონისძიების, რომელიც ჩატარდა 42-ეში მისი მთელი ისტორიის განმავლობაში, განსაკუთრებით აღსანიშნავია საკავშირო მათემატიკური სიმპოზიუმი, რომელიც ჩატარდა 1971 წელს და მიეძღვნა სკოლის 20 წლის იუბილეს. ახლაც, ამ საიტზე მუშაობის დროს, როდესაც ქ-ნი ზირა არაერთხელ შევაწუხე თხოვნით, გაეხსენებინა ესა თუ ის პედაგოგი, ბავშვი, პერიოდი სკოლის ცხოვრებაში? მან ყველა თხობნაზე მოგვაწოდა სრული პასუხი, ზოგჯერ შენთხვევაში შეთხზა მთელი ”პოემა” მოკლე ფაქტის ნაცვლად. ეს წლები იმდენად აღსავსეა საინტერესო ამბებით, წარმატებებითა და კურიოზებით, რომ მათ აღწერას დაახლოებით იმდენივე დრო დასჭირდება, რა დროც გავიდა 42-ეს დააარსებიდან დღევანდლამდე..
რთულია რამე დაუმატო ადამიანის თვისებებს, როდესაც ის მის გარშემო მყოფ ადამიანებზე მხოლოდ კარგს ლაპარაკობს.
